حليمة معالج للبنى الجريبي: إن كنت ناسي “حجمك” أَفكّرك

رسالتي اليوم باش نوججها لإمرأة غلطت في روحها برشه وما فيها باس نذكرها بحجمها .

رسالتي اليوم موجهة للنائبة عن التكتل لبنى الجريبي.

البارح وانا نتابع في مختلف البرامج المتعلقة بالحملة الانتخابيةلفت انتباهي تصريحات صادرة عن لبنى الجريبي متاع التكتل .

البارح للا لبنى الجريبي تقدم وتوخر وتقول أن وجودهم في السلطة في إطار الترويكا كتكتل كان تضحية منهم…. واللي هوما اللي أنقذوا تونس من النهضة .. ومن المؤتمر ومن الهاشمي الحامدي والا الله اعلم اش كان باش يصير في تونس ..!!!

لم تكتف البطلة لبنى الجريبي بهذه الشطحات بل تمادت وأردفت أن وجودهم في إطار الترويكا هو السبب في صياغة دستور مدني … وفي استقرار الاوضاع وفي وفي وفي الى مالا نهاية ….

وأنابمناسبة بطولات لبنة اللي ما شافهم حد … بل بالعكس “ولا فائدة من نبش الجراح” نحب نقول لهذه البطلة من ورق : يا لبنى وخيتي والله لوكان موش النهضة لاكان يسمع بيك حد ….. والله الذي لا إلاه إلا هو لوكان فمة اشكون اعمل عليك مزية … وقدم تضحيات على حساب انصاره … وخرجك من الظلام للضوء راهي النهضة …. ولكن الله غالب الطبع غلاب .. ونكران المعروف يجري فيكم مجرى الدم في العروق .

وختاما نحب نقل للبطلة لبنى الجريبي ان وجودكم في السلطة وفي التأسيسي ماكانش بسبب كبر حجكم اللي كلنا نعرفوه …. ولكن كان بإرادة النهضة وبفضل النهضة من أجل مصلحة تونس .. وبفضل ديمقراطية النهضة وإيمانها بمدنية الدولة قولا وممارسة …..

يا لبنى راك ما ظهرتش في المشهد السياسي بذراعك ولكن وبفضل إيمان النهضة بان تونس للجميع …. ووبفضل عمل النهضة على تشريك كل التونسيين … وبفضل نبذها لاقصاء اي طرف بمن في ذلك من لم تنصفهم الانتخابات واقصتهم الصناديق ….

ولولا ديمقراطية النهضة وانفتاحها على الآخر وسعة صدرها ونبذها للاقصاء الذي تعتمدونها طريقا ومنهاجا .. ولولا حب النهضة لهذا الوطن وتمسكها بضرورة استقرار الاوضاع فيه لما كنت موجودة في المشهد على الاطلاق .
وقبل أن أختم نحب نسئل لبنى سؤال … لوكنتم انتم الاغلبية فهل كنتم ستسمحون للنهضة بمشاركتكم السلطة والحكم ؟؟؟.. ومن غير ما ترجّع علي على خاطر نعرف الإجابة ..

وختاما أقول لك النهضة دخلت للتاريخ من الباب الكبير وانتم خرجتم من الشباك
والكبير يبقى كبير …. وقريبا سيقول الشعب كلمته وستسمعونه يهتف بأعلى صوته ” شكرا على الحضور وشكر الله سعيكم ”

حليمة معالج تهديك اغنية : ” إن كنت ناسي أفكرك ”

حليمة معالج