نصرالدين السويلمي يكتب: قريب يذيع البيان الأول من مستشفى الرازي..!

 قيادة الاركان ماي ملت منو ومن الهرج متاعو، ماشي جاي على الثكنات حتى في الساعتين متاع الصباح، ماي صبرت صبرت وقالت ليه وقف!ّ شد لقصر وما تجي كان في المناسبات الرسمية.. أي ماو بدل ولى ماشي جاي على

 وزارة الداخلية ومرجهم، حتى لتنحى توفيق شرف الدين، ماو حب يعمل مرور قوي بعد شرف الدين فشل.

في الاثناء ما وقفش استعمال قطاع الصحة العسكرية، منذ تشكيل حكومة المشيشي قطاع متاع طبلية بيضاء جاب ليه كومبة خضراء، ثم كان معول على حويجة، وفعلا مانا الكل نعرفوا، كيفاش مسؤولة الاعلام متاع القصر الي تنحت، قالت راهي نادية وقع تسميمها ومشت لمصحة خاصة! أي ماو يلزم يقولوا عليها المصحة الخاصة باش يمشيلها الاعلام والمدونين، على هذاك تراجعوا قالوا لا مشت الى المستشفى العسكري! تي حتى التلاقيح متاع الامارات وقت لفاق بيهم الشعب، ماو قال عطيتهم للصحة العسكرية، وماي ثم اعانات باش تجي لتونس اشترط انها تجي باسم الصحة العسكرية! وماي حتى المدينة الطبية الي تم اقتراحها منذ سنوات وتعطلت حولها نظريا لمدينة عسكرية طبية ومصحة عسكرية متعددة الاختصاصات مع أكاديمية عسكرية للطب واسند تصاميمها الى الإدارة العامة للهندسة العسكرية.. وفي بداية شهر جويلية انهت الهندسة العسكرية الدراسات الأولية وسلماتو المطلوب وهانو راقد على الملف… وهاني الهندس

ة العسكرية المصرية والامارات قالوا نعاونوا في المشروع لكن بشروط! وهانو يفرفط يحب يوفر ليهم الشروط، وبدا في توفير الشروط من نهار لجاء من مصر وتعدى لجامع عقبة خطب فيه على الفرق بين الاسلام والاسلاميين.

هو ماو صفر سياسية، في بالو الامارات والسعودية مازالوا يمولوا انقلابات كيما مولوا السيسي، هاني السودان وعدوها بالديمونت والذهب والرخاء كي تجي في صفهم وطبع مع الكيان جت في صفهم وطبعت، ترقبت السودان ترقبت شيء! هاني رجعت لقطر وهاني تساوم في امريكا بقاعدة روسية على البحر الاحمر.وهانهم لڨورا متاع اوروبا شطبوا ليها ديون 3 مليار دولار باش تتخلى على الاتفاق مع روسيا.

مالا السيد الرئيس حتى لسبيرين والزرارق ولحرابش والمفاتل والسيرو ولسبيجيك.. دخّل فيها خشمو، لعل ينجم يستعملها للانقلاب، معادش طموحو يقتصر على القائد الاعلى لكل القوات الحاملة للسلاح، تو حاجتو بالقوات الحاملة للزرارق “صحة” والبالات “اشغال” والطباشير “تربية”… جايب عميد في الجيش حطو بالقوة على راس وزارة الصحة، ونحن خايفين من خوصصة القطاع الصحي شوي جاه قيس سعيد عسكرو!

جايب وزير عامل خطاب مسجل يطلب فيه الناس باش تخرج تلقح نهار العيد، حاطو قدامو ويقلو الي وقع جريمة تستوجب التحقيق وانت ارك خاطي قمت بواجبك!!!! غبي يشوف في احلامو قاعدة تنهار قدام عينيه، بدا يحلم بانقلاب تقودو دبابة “الجيش” هبط حلمو لمستوى انقلاب تقودوا كلاش “الامن” تو هانو حلمو يترنح في انقلاب تقودو زريقة “صحة”.. شوي شوي تو ضال مصور سيف متقاطع ونجوم على سوريتو ويذيع في البيان الاول من مستشفى الرازي.

نصرالدين السويلمي