مخلوف مهاجما العجبوني: طلعتو سقّاط وخرشيين وقلال معروف.. برا شاور عرفتك الزغراطة قبل

نشر رئيس كتلة إئتلاف الكرامة سيف مخلوف تدوينة على حسابه الشخصي بالفايسبوك ،هاجم فيها النائب عن التيار الديمقراطي هشام العجبوني ،على خلفية انتقاد الأخير لمشروع تعديل مرسوم تقدمت به كتلة الإئتلاف و هذا نص التدوينة :

هاو علاش نفضنا ايدينا مالتيار .. خاطر قد ما شكرناهم ومدحناهم وكبّرنا بيهم .. قد ما طلعوا سُقّاط وخرشيين وقلال معروف .. تعالي وعنجهية وتطاوس .. والمحتوى صفر مناولة ووكالة وغير دستوري ولن يمرّ .. وكلام أكبر من جرمكم ..

وكأنكم وحدكم تفكروا وعندكم عقول .. والناس لخرى يجيوا كان صُنّاع وخمّاسة !!! مناولة ووكالة ؟؟ علاه لخرين مسحورين ما ينجموش يقدموها كان جات فكرتهم ؟؟ وغير دستوري ؟؟ بالله قوللنا فين جات عدم الدستورية إلّي ما قال بيها حد من كل الخبراء الدستوريين إلّي جابتهم اللجنة .. يا جهيبذ زمانك ؟؟

ولن يمرّ .. هاذي ماهيش بيدك .. يلزمك قبل تشاور عرفتك الزغراطة إلّي تسوق فيك كل مرّة للتيران متاعها .. وانت كيف ” الدڤو ” .. تتبرى منها الصباح .. وتصوّتلها العشيّة .. وبالله نحبك تحكيها هالحكاية الحولة نهار الجلسة .. وما تروّحش عاد كان ما تسمع الرد والردود .. والرعد والرعود .. #عجبونيوادللت #الصاعبالصاعينوالصاعينبالثلاثة #قويّة_ورهدانة