دعوة للتصويت المفيد للنهضة لحماية قيس سعيد في الرئاسية

الي داخل السياسة بفركة وعود حطب نقلو ثبت روحك و خدم المخ وخلي العاطفة على شيرة. تصويتك لقيس سعيد إذا ما يكونش معاه تصويت للنهضة او إئتلاف الكرامة او الحراك اوالمؤتمر  سيعزل في اقرب فرصة.
علاش ؟؟
اسمعني خويا واختي
الاستطلاعات تڨول انو حزب القروي مقرونة هو الأول والنهضة هي الثانية واللي بعدها عيش تونسي والنداء وحزب الشاهد.
معنتها الاوائل الكل هوما المنظومة القديمة باستثناء النهضة.
معنتها اذا ما تصوتش الناس للنهضة بشكل فاعل وماتكونش النهضة عندها الكتلة الأكبر تشكيل الحكومة باش يمشي للقروي ويتحالف مع بقية الشلة ويبقى رئيس الدولة معزول عن الشأن العام.
وقتها ما تحدثنيش على أحلام قيس سعيد اللي يحب يمررها في صورة قوانين لأن غالبية المجلس باش تكون ضده.
لا وثماش أكثر من هذا ؟؟؟
ثما يا حبيبي ثما ..
المحكمة الدستورية باش يختارولها جماعتهم ويعدوهم بالأغلبية في مجلس النواب والرئيس وانصارو يتفرجو.

تمت الحكاية ولا مازال ؟؟
مازال يا حبيبي مازال …
الرئيس وقتها موش باش يعزلوه في القصر متاعو برك ..
لا باش يعزلوه من الرئاسة جملة ..
كيفاش ..
ساهلة برشه
يشوفولو اي حاجة يأولوهالو انو خطأ جسيم أو عدم القيام بالمهام باش يصوتو عليه الثلثين في المجلس ويجيبوه على بره.
وهانو كي عرفت شنوه مصير قيس سعيد كرئيس بدون كتلة انتخابية وازنة كي النهضة إذا ما تصوتلهاش برا زيد سبها وزايد عليها.
وماتنساش انو لولا أني هي اللي شدت الشوك بيديها راهو السيستام ماهوش شقوق اليوم وراهو قيس سعيد ماربحش.
هل معنى هذا انو النهضة بدون أخطاء ؟؟
أبدا ..
عندها برشة ..
لكن توه وقت حكت فيه الركب وكي تصيح تعرف أماتها
ولكل حادث حديث.

بقلم رحمة