منال عبد القوي لجماعة اليسار و النّداء: راهو الجنوب هذوكا رجال ولاد رجال ولاد ولاد رجال

عبرت الممثلة منال عبد القوي عن استغرابها و استنكارها للهجوم المشين الذي يتعرض له اهل الجنوب على خلفية تصويتهم لحركة النهضة، وامتناعهم عن التصويت لحزب النداء الذي يعتبرونه امتدادا لنضام بن علي ، وطالبت الممثلة بالكف عن هذا التخلف .

و هذا ما كتبته منال عبد القوي:

“مانيش مصدقة عينيا ولا روحي شنوة هالجهويات وهالتخلف ناس تذم في الجنوب انا مولودة في قلب الجنوب الشرقي تحديدا حومة السوق جربة وعايلتي ممتدة على ولاية مدنين الكل وكلهم نخبوا النهضة تقريبا ايه انا انا هاني انتخبت الجبهة و نقولها علانية شنعمل لعايلتي مثلا ننكر فيهم ولا نقطعهم ملا ريق وملا تجوبير قاللك الجنوب تونستان يا اخي هوما احرار ينخبوا الي يحبوا ماو نحكيوا بالديمقراطية و الحرية هوما احرار وينتخبوا الي يحبوا عليه علاه بالك استوردناها من امريكا النهضة ماو توانسة انتخبوها و امنوا بيها امورهم هوما احرار يا ديني اييا من فضلكم حدكم حد المسقي المسفوف يخنق راهو الجنوب هذوكا رجال ولاد رجال ولاد ولاد رجال وما ياثر شي على رجوليتهم وهاك الجماعة اليساريويون الي ماشي في بالهم اليسار هو انك تسب الناس الكل وحتى كي تشوف روحك في المرايا تقول لا مش انا نقوللهم بخوا قلوبكم قالت جداي يرحمها ملا ريق وملا تخلف”.