(بالفلاقي)توا قلتوا النهضة خسرت و رجع التجمع..؟

المحرر – بقلم سامية بو ستة -بربي أنا العبدة الفقيرة الى الله باش نحلل و قلولي كاني غالطة…توا قلتوا النهضة خسرت و رجع التجمع..باهي نبداو بخسارة النهضة..
النهضة في 2011 فازت ب 89 و الا 90 مقعد …و توا مازال ما كملش الفرز و وصلت ل75 مقعد برغم التشويه و التعتيم على انجازاتها و ضرب الاعلام ليها …
قلتوا التجمه رجع في ثوب الندا …نحب نسألكم قصيلة وغيرهم دخلو للتأسيسي عن طريق التكتل و الجمهوري و أحزاب أخرى و ما قلناش وقتها راهم تجمع…و النداء تواجد في التأسيسي من غير ما خاض حملة انتخابية في 2011…و تحالفوا في الاتحاد من أجل تونس و ما قلناش التجمع رجع…
اذا ما الجديد؟…
الجديد أنوا النهضة حافظت على الأصوات الي كانت عندها تقريبا …
و الجماعة الي عندهم عرق تجمعي و التحقوا قبل بأحزاب و بعد ملاقتش روحا فيها تلمت في النداء و الدليل اندثار العديد من الأحزاب الي ربحت في الانتخابات الفارطة…لا أكثر و لا أقل …
والي يعتقد انوا التجمع اندثر راهوا واهم…
الخلاصة…النهضة فازت و الاحزاب الي كانت باش تعمل اتحاد بعد الانتخابات عملتوا عملتو من توا و وفرت أعليهم عناء المشوار