مع زوجة كاتب عام سابق للجنة تنسيق التجمع؟؟؟

المحرر – حسن البوبكري – قــَــالَــتْ : ” كُـنَّا عَايْـشـِــين لاباس علينا جَـاتْ هَــالـثَّـوْرَة عِـيـشـِـتْـنَــا مْـرَارِتْ ” !!!!
سأحكـي لكمْ ما حدث لي و أنا عند العطار مع زوجة كاتب عام سابق للجنة تنسيق التجمع؟؟؟

قبل سرد الواقعة أود أن اشير إلى أن كل ثورة مضادة إلَّا و لها جيش قائم الذات من جنود و ضباط و قيادات و رتب عالية كل بحسب موقعه قبل الثورة و ما كان يتمتع به من حضوة و مكانة لدى منظومة عصابة بن علي ..و هذه عيّنـة و نـُـبْـذَة مختصرة عن جـنْـديَّــة تتقدّم صفوف معركة الثورة المضادة …
———————-
مَـرّة وأنا عند الخضار و إذا بِــمْــرَا تدعي بالشر على النهضة والشيخ راشد والنهضاويين
و (المصيبة انها متحجبة ) كشاكشها طالعة لانو صانع الخضار عارضها في كلامها
من جملة الدعاء قالت انا ماذا بيا كل نهضاوي يعرضني إِنْــشَـعِّــل فيه عُــرْف وْقِـــيد
ياخي غزرلتها وقلتلها لا حول ولا قوة الا بالله واتبسمت كلمتي وبسمتي زادو هيجوها
اي لعنت الشيطان وخرجت من عند الخضار ومشيت لقضية اخرى وبعد رجعت
قالي الخضار لوكان تعرفها اشكون تو تعذرها علاش تدعي بالشر
يا سيدي هاكي مرت سي م.م.. كان رئيس لجنة التنسيق باب بحر
قالي هاذيها في عرس صغارها فاتورات العرس من صالة التجمع للحلو للقازوز للفرقة تمشي فاتورات تتقيد على التجمع
موش كيف عرس بنتها السنا دفعت فيه دم قلبها
قالي هاكي كيف كانت تمشي تصيف في اضخم اوتيل تمشي تصييفتها على حساب التجمع موش كيف تو التصييف ما تعرفلوش نكهة
قالي هاكي كيف تسافر تحوس مع صغارها تمشي فاتورات باسم التجمع موش كيف تو ما حطتش ساقها خارج تونس
الحاصل قتلو يزي فيه البركة فهمت جملتها كنا عايشين لاباس علينا