الإتحاد سبب إنهيار الإقتصد حسب خبير إقتصادي

فريد بلحاج نائب رئيس البنك الدولي قال في إكسبرس فم أنو الأزمة الإقتصادية متاع تونس وانهيار الدينار عندو أربعة أسباب :

* الأزمة الإقتصادية العالمية

* التصرف الي عملناه بعد الثورة اننا صرفنا أكثر ببرشة من إمكانياتنا

* عدم قدرة جميع الحكومات المتعاقبة على القيام بالإصلاحات الكبرى

* الإنتاج والإنتاجية المتردية الي أدات الى إنهيار سعر الدينار والي جميع الحكومات غطات عليه باتباع سياسة حماية الدينار ( تتسلف فلوس مالخارج باش تشري الدينار مالبنوك وهكاكة العرض عالدينار يقعد كبير ومايطيحش في حين انو العرض عالدينار نورمالمون يجي من عند عباد تشري في المنتوجات متاعنا )

كيف نحللو الأربعة أسباب إلي قالهم السيد هذا نلقاو ثلاثة منهم المتسبب الرئيسي فيه هو الاتحاد ( الزيادة في الأجور والمنح والترقيات / الخطوط الحمراء ضد الاصلاحات / تعطيل الانتاج والانتاجية بالإضرابات والإعتصامات والتكركير )

هذا تحليل متاع واحد من أكبر الكفاءات الإقتصادية في العالم متكون وخادم في أكبر المؤسسات العالمية وبعد يجيكم واحد تكوينو الوحيد انو كان عضو نقابة المسلخ البلدي بتونس ويقلكم الوضع هذا جاي من فشل الحكومة ويتحالف معاه واحد آخر تكوينو الوحيد أنو ولد مولى الباتيندة … ويدخلو البلاد في أزمة سياسية خلقت مناخ ملائم لعودة الإرهاب وأحنا قاعدين نحققو في أحسن موسم سياحي وأحسن نمو إقتصادي منذ الثورة ….. وبعد يجيك يقلك شبيك تدافع على يوسف الشاهد …. ماينا والله ماينا.

ماهر عباسي